මෙම article එක තුළ, අපි ඔබේ උසස් පෙළ විභාග ලකුණු ඉහළ නැංවීමට සහ පාඩම් කරන කාලයේ සහ විභාග දිනය යන දෙකේදීම ඔබේ ප්‍රතිඵල වැඩි දියුණු කිරීමට උපකාරී වන ඔප්පු කළ exam hack 10 ක් සාකච්ඡා කරමු. මෙය භෞතික විද්‍යා විෂය කේන්ද්‍ර කරගෙන ලියන ලද නමුත්, ඕනෑම විශයකට මේ hacks යොදා ගත හැක.
1. මුලින්ම මූලික සංකල්ප ප්‍රගුණ කරන්න
සංකීර්ණ සංකල්ප වෙත යොමු වීමට සහ අමාරු ගැටළු විසඳීමට පෙර, භෞතික විද්යාවේ මූලික මූලධර්මවල ශක්තිමත් පදනමක් තිබීම අත්යවශ්ය වේ. බොහෝ විට සිසුන් මූලික කරුණු මඟ හැර වඩාත් අභියෝගාත්මක මාතෘකා කෙරෙහි අවධානය යොමු කරන අතර ඔවුන් දැනටමත් මූලික කරුණු දන්නා බව උපකල්පනය කරයි. නමුත් උදාහරණයක් ලෙස උසස් පෙළ භෞතික විද්යාවේ බොහෝ ප්‍රශ්න නිව්ටන්ගේ චලිත නීති, තාප ගති විද්‍යාව සහ තරංග න්‍යාය වැනි මූලික මූලධර්ම පිළිබඳ ගැඹුරු අවබෝධයක් මත පදනම් වේ.
- ඔබේ සටහන් පරික්ෂා කර ඔබ මූලික සංකල්ප හොදින් තේරුම් ගෙන ඇති බවට සහතික වන්න.
- මූලික නීති, නිර්වචන සහ ප්‍රධාන මූලධර්ම සඳහා සාරාංශ සටහන් (short notes) සාදන්න.
- අත්යවශ්ය සූත්‍ර සහ සංකල්ප පිළිබඳව ඔබෙන්ම ප්‍රශ්න කිරීමට ෆ්ලෑෂ් කාඩ්පත් (flash cards) භාවිත කරන්න.
සංකීර්ණ ප්‍රශ්න බොහෝ විට සරල සංකල්පවල දිගුවක් පමණක් වන බැවින් ප්‍රධාන මුලධර්ම පිළිබද අවබෝදය, ඔබට අමාරු ගැටලු වඩාත් පහසුවෙන් විසඳා ගැනීමට උපකාරී කරයි.
2. සමීකරණ අඩංගු Cheat Sheet එකක් සාදන්න
භෞතික විද්‍යාව යනු ඔබට සූත්‍ර, නීති සහ නියතයන් විශාල ප්‍රමාණයක් මතක තබා ගත යුතු විෂයකි. ඒවා සියල්ල කටපාඩම් කිරීම අමාරුයි වගේ පෙනෙන්නට තිබුණද, ඔබට ඔබේම කියල Cheat Sheet එකක් නිර්මාණය කිරීමෙන් මේ ක්‍රියාවලිය සරල කළ හැකිය. Cheat sheet එකක් ලෙස පොඩි note එකක් තිබීමෙන් නැවත ඒවා පාඩම් කිරීමේදී ඔබේ කාලය සහ ආතතිය අඩු කර ගත හැකි අතර ඔබේ මතකයේ ඇති සූත්‍ර වැනි දෑ තවත් හොදින් ධාරණය කිරීමට එය උපකාරී වේ.
- එක් එක් පාඩම තුළ ඔබට හමුවන සියලුම ප්‍රධාන සූත්‍ර, නියතයන් සහ ඒකක, පොඩි sheet එකක ලියන්න.
- සමාන සූත්‍ර එකට සමූහගත කරන්න (උදා. චලිතය, ශක්තිය හෝ විද්‍යුතය සම්බන්ධ සූත්‍ර).
- විශේෂයෙන් විභාගයට ආසන්න කාලයේදී ඔබේ cheat sheet එක නිතිපතා සමාලෝචනය කරන්න.
Cheat sheet එකක් තිබීම ඔබට ඉක්මනින් සූත්‍ර ඔලුවට දාගැනීම ලෙහෙසි කරන අතර එය විභාගය අතරතුර නැවත මෙනෙහි කිරීමත් පහසු කරයි.
3. අමාරු සංකල්ප සඳහා Feynman Technique එක භාවිතා කරන්න
Feynman Technique එක යනු නොබෙල් ත්‍යාගලාභී භෞතික විද්‍යාඥ රිචඩ් ෆෙයින්මන්ගේ නමින් නම් කර ඇති ප්‍රබල ඉගෙනුම් මෙවලමකි. සංකීර්ණ මාතෘකාවක්, ඔබ වෙනත් කෙනෙකුට උගන්වනවාක් මෙන් සරල වචන වලින් පැහැදිලි කිරීම පිලිබදව මේ මෙවලමෙන් කියයි. අමාරු සංකල්ප පහසුවෙන් තේරුම් ගත හැකි භාෂාවකට පරිවර්තනය කිරීමට ඔබට ඔබ විසින්ම බල කිරීම මගින්, ඔබ ගැඹුරු අවබෝධයක් ලබා ගන්නා අතර ඔබේ දැනුමේ හිඩැස් ද මෙමගින් හඳුනා ගත හැකිය.
- අභියෝගාත්මක භෞතික විද්‍යා මාතෘකාවක් තෝරන්න (උදා: චුම්භක ක්ශේත්‍ර හෝ යාන්ත්‍ර විද්‍යාව).
- මිතුරෙකුට හෝ ඔබටම මාතෘකාව ශබ්ද නඟා පැහැදිලි කිරීමට උත්සාහ කරන්න.
- ඔබ එහි යම් කොටසක් පැහැදිලි කිරීම අනවශ්‍ය ලෙස effort එකක් යොදනවා නම්, ඔබට එය පැහැදිලිව අවබෝධ බව තහවුරු වන තෙක් ආපසු ගොස් එම පාඩම නැවත කරන්න.
Feynman Technique එක, සංකීර්ණ මාතෘකා පිළිබඳ ඔබේ අවබෝධය ශක්තිමත් කරමින් දුර්වල තැන් හඳුනා ගැනීමට ඔබට උපකාර කරයි.
4. විභාග පරිසරයක සිට පසුගිය ප්‍රශ්න පත්‍ර විසඳන්න
ඔබගේ උසස් පෙළ විභාග වලට සූදානම් වීමට ඇති හොඳම ක්‍රමයක් නම් පසුගිය ප්‍රශ්න පත්‍ර කිරීමට පුරුදු වීමයි. මෙය විභාග ප්‍රශ්න ආකෘතිය සමඟ ඔබව හුරු කරනවා පමණක් නොව ඔබේ කාලය ඵලදායී ලෙස කළමනාකරණය කිරීමටද උපකාරී කරයි. කෙසේ වෙතත්, වඩා වැදගත් වන්නේ කාලය බැලීමෙන් සහ අවධානය වෙනතකට යොමු නොකර ප්‍රශ්න පත්‍රය හරහා වැඩ කිරීමෙන් සැබෑ විභාග තත්වයන් අනුකරණය කිරීමයි.
- නියමිත කාල සීමාවන් අනුගමනය කරමින් පසුගිය ප්‍රශ්න පත්‍රයක් ආරම්භයේ සිට අවසානය දක්වා සම්පූර්ණ කිරීමට කාලය වෙන් කර ගන්න.
- ප්‍රශ්න පත්‍රය විසඳන අතරතුර සටහන් හෝ tutes භාවිතා කිරීමෙන් වළකින්න.
- ප්‍රශ්න පත්‍රය සම්පූර්ණ කිරීමෙන් පසු ඔබේ පිළිතුරු ලකුණු කර ඔබට ලකුණු අහිමි වූ කොටස් නැවත පාඩම් කරන්න.
විභාග තත්ත්වයන් යටතේ පසුගිය ප්‍රශ්න පත්‍ර විසඳීම ඔබේ කාල කළමනාකරණය වැඩිදියුණු කරන අතර විභාග ආකෘතිය සහ එය විභාග පීඩනය පිළිබඳව ඔබ හුරුපුරුදු කරන බැවින් විභාග දිනයේදී ඇතිවන ඔබේ anxiety එක (කාංසාව) අඩු කරයි.
5. වඩා වැදගත් කොටස් හඳුනාගෙන ඒවට අවධානය යොමු කරන්න
විෂය නිර්දේශයේ සියලුම මාතෘකා සමාන වැදගත්කමක් නොදක්වයි. සමහර කොටස් සහ සංකල්ප විභාගයේ දී වැඩි බරක් දැරීමට නැඹුරු වන අතර, ඔබ විභාගයට සූදානම් වීමේ දී මෙම මාතෘකා හඳුනා ගැනීම ඉතා වැදගත් වේ. වැඩි බරක් සහිත මාතෘකා කෙරෙහි ඔබේ අවදානය යොමු කිරීමෙන්, ඔබට විභාගයේදී හොඳින් ලකුණු ලබා ගැනීමේ හැකියාව උපරිම කර ගත හැක.
- විභාගයට නිතර එන මාතෘකා හඳුනා ගැනීමට, විභාග විෂය නිර්දේශය සහ පසුගිය ප්‍රශ්න පත්‍ර සමාලෝචනය කරන්න.
- මෙම මාතෘකා අධ්‍යයනය කිරීමට සහ පුහුණු වීමට වැඩි කාලයක් වෙන් කරන්න.
- බර වැඩි කොටස් වල, සිද්ධාන්ත සහ ගැටළු විසඳීම යන දෙකම ඔබට පහසු බව සහතික කර ගන්න.
වැදගත් මාතෘකා කෙරෙහි අවධානය යොමු කිරීම, ඔබේ කාලය නිවැරදිව කලමනාකරණය කිරීමට උපකාරී කරන අතර විභාගයට පෙනී සිටීමට බොහෝ දුරට ඉඩ ඇති ක්ෂේත්‍ර ඔබ ආවරණය කරන බව සහතික කරයි.
6. Active Recall සහ Spaced Repetition
යම් විෂයක් හැදෑරීමේදී ඔහේ කියවන්නන්වාලේ notes කියවීම ප්‍රමාණවත් නොවේ. පාඩම් සැබවින්ම ඔබේ මනසේ කා වැද්දීම සඳහා, ඔබ සක්‍රිය නැවත මෙනෙහි කිරීමේ (Active Recall) නිරත විය යුතුය. ඒ සදහා ඔබ සටහන් දෙස නොබලා මතකයෙන් සටහන විස්තර කිරීමට උත්සහ ගත යුතුය. දිගු කාලයක් පාඩම් මනසේ රඳවා තබා ගැනීමට,යම්කිසි කාලයකට පසු නැවත පුනරීක්ෂණ කිරීමේ (Spaced Repetition) නිරත විය යුතුය.
- යම් මාතෘකාවක් අධ්‍යයනය කිරීමෙන් පසු, ඔබේ පොත වසා දමා මතකයෙන් එහි ප්‍රධාන සංකල්ප සිහිපත් කිරීමට උත්සාහ කරන්න.
- කාල පරතරය ක්‍රමයෙන් වැඩි කරමින් පාඩම් නැවත සමාලෝචනය කරන්න. මෙම සමාලෝචනය පහසු කිරීමට Anki වැනි Flash Card Apps භාවිත කරන්න.
- ඔබට මතක තබා ගැනීමට අපහසු පාඩම් කෙරෙහි වැඩි අවධානය යොමු කර ඒවා නිතර නිතර බලන්න.
මේ Active Recall කියන ක්‍රමය, පීඩනයක් යටතේ සටහන් මතක තබා ගැනීමේ ඔබේ හැකියාව ශක්තිමත් කරයි. අමාරු පාඩම් නැවත නැවත කිරීම, කාලයත් සමඟ ඔබ ඉගෙන ගත් දේ අමතක වීම වළක්වයි.
7. බහුවරණ ප්‍රශ්න (MCQ) කාර්යක්ෂමව විසඳීමට පුරුදු වන්න
භෞතික විද්‍යා විභාගයට(බොහෝ උසස් පෙළ විභාග වලට) බහුවරණ ප්‍රශ්න පත්‍රයක් (MCQ) ඇතුළත් වේ. බහුවරණ කිරීමට නිවැරදි දැනුමක් සහ ඉක්මන් චින්තනයක් අවශ්‍ය වේ. MCQ වලට සාර්ථකව මුහුණ දෙන්නේ කෙසේදැයි ඉගෙන ගැනීමෙන් ඔබට විභාගයේදී සැලකිය යුතු වාසියක් ලබා ගත හැක.
- පළමුව ප්‍රශ්නය හොඳින් කියවා පැහැදිලිවම වැරදි පිළිතුරු ඉවත් කරන්න.
- තනි ප්‍රශ්නයකට වැඩි කාලයක් වැය කිරීමෙන් වළකින්න. ඔබට පිළිතුර පිළිබද විශ්වාසයක් නැත්නම්, උගත් අනුමානයක් කර ඉදිරියට යන්න.
- ඔබ නිවැරදි පිළිතුර නොදන්නා විට පවා, වරණ එකින් එක ඉවත් කර ඔබට ඇති තේරීම් ප්‍රමාණය පටු කරගන්න.
මෙම MCQ උපාය මාර්ග පාවිච්චි කිරීම මගින් ඔබට පොදු උගුල් මඟහරවා ගෙන නිවැරදි පිළිතුර තේරීමේ අවස්ථාව වැඩි කර ගැනීමට හැකිය.
8. හොඳ අධ්‍යයන කාලසටහනක් සකස් කරන්න
විභාගයට පෙර දින රාත්‍රියේ සියල්ල එකවර සිදු කිරීමට යාම හොද උපාය මාර්ගයක් නොවේ. ඒ නිසා මුලදීම ඔබේ විෂය අන්තර්ගතය කළමනාකරණය කළ හැකි කොටස්වලට බෙදා ගෙන හොඳ අධ්‍යයන කාලසටහනක් සකස් කර ගන්න. කාලසටහනට අනුකූලව එකදිගට වැඩ කිරීම ඔබේ ආතතිය අඩු කර ගැනීමට උපකාරී කරන අතර විභාගයට පෙර ඔබ සියලු මාතෘකා ප්‍රමාණවත් ලෙස ආවරණය කර ඇති බවට ඔබට විශ්වාසයක් ඇති කරයි.
- විභාගයට අවම වශයෙන් මාස 6කට පෙර හොද අධ්‍යයන කාලසටහනක් සැලසුම් කරන්න.
- ඔබේ විෂය නිර්දේශය දෛනික හෝ සතිපතා ඉලක්කවලට බෙදා revision සදහාත් කාලය වෙන් කරන්න.
- අධික වෙහෙසක් ඇති වීම වළක්වා ගැනීමට සහ ඔබේ මනස නැවුම්ව තබා ගැනීමට දෛනික විවේක කාලයක් ඇතුළත් කරන්න.
හොඳ අධ්‍යයන කාලසටහනක් මඟින් ඔබට විෂය කරුණු වඩා හොඳින් ධාරණය කර ගත හැකි අතර අවසාන මොහොතේ අනවශ්‍ය ලෙස කලබල වීම වළක්වයි. ඒවගේම එය විභාග දිනයේදී ඔබට සූදානම් මනසක් සහ ආත්ම විශ්වාසයක් ඇති බවට සහතික කරයි.
9. විභාගය ලිවීමේදී ඔබේ කාලය කළමනාකරණය කරන ආකාරය ඉගෙන ගන්න
කාල කළමනාකරණය යනු ඕනෑම විභාගයක් සඳහා තීරණාත්මක කුසලතාවකි. විශේෂයෙන් උසස් පෙළ විභාග වලදී ඔබට බොහෝ විට සීමිත කාලයක් තුළ සංකීර්ණ ගැටලු විසඳීමට සිදුවේ. විභාගය අතරතුර ඔබේ කාලය කළමනාකරණය කර ගැනීම සඳහා විශේෂ ක්‍රම සකස් කර ගැනීම මඟින් ඔබට කලබලයෙන් ප්‍රශ්න පත්‍රය කියවීම නිසා සිදුකරන නොසැලකිලිමත් වැරදි වළක්වා ගත හැකිය.
- විභාගය ආරම්භයේදී, ප්‍රශ්න පිළිබඳ යම් අදහසක් ලබා ගැනීම සඳහා ඉක්මනින් එක් වරක් සම්පූර්ණ ප්‍රශ්න පත්‍රය කියවන්න.
- වඩාත් අභියෝගාත්මක ප්‍රශ්න පසුවට තබමින්, ඔබට හොදටම විශ්වාස ප්‍රශ්නවලට පළමුව පිළිතුරු දීමට මූලිකත්වය දෙන්න.
- නිතර කාලය බලමින් ඔබ ස්ථාවර වේගයකින් ප්‍රශ්න පත්‍රය කරගෙන යන බවට සහතික කර ගන්න.
ඵලදායී කාල කළමනාකරණය මඟින් ප්‍රශ්න පත්‍රයට වෙලාව මදි වීමේ සම්භාවිතාව අඩු කරන අතර එය ඔබට පිළිතුරු නැවත පරීක්ෂා කිරීමට ප්‍රමාණවත් කාලයක් ඇති බවට සහතික කරයි.
10. විභාගය අතරතුර සන්සුන්ව හා අවධානයෙන් සිටින්න
විභාග කාංසාව (exam anxiety) යනු සැමටම තිබෙන පොදු ගැටළුවකි. නමුත් නිසි ලෙස කළමනාකරණය නොකළහොත් එයට ඔබගේ ප්‍රතිඵලයට සැලකිය යුතු ලෙස බලපෑමක් ඇති කල හැකිය. විභාගය අතරතුර සන්සුන්ව හා අවධානයෙන් සිටීම, පැහැදිලිව සිතීමට සහ ගැටළු විසඳීමට අත්යවශ්ය වේ.
- සන්සුන්ව සිටීම සඳහා විභාගයට පෙර සහ අතරතුර ගැඹුරු හුස්ම ගැනීම හෝ දෘශ්‍යකරණය (සන්සුන් ස්ථානයක් සිතින් මවා ගැනීම) වැනි ලිහිල් කිරීමේ ක්‍රම පුරුදු වෙන්න.
- විභාගය අතරතුර ඔබට අධික වෙහෙසක් හෝ බියක් දැනේ නම්, කෙටි මානසික විවේකයක් ගන්න. ඔබේ ඇස් වසාගෙන, ඔබේ සිතුවිලි එක තැනකට ගන්න.
- ඔබට අපහසු ප්‍රශ්න මත රැඳී සිටීමෙන් වළකින්න. ඒවා මගහැර ඉදිරියට ප්‍රශ්න වලට ගොස් නැවුම් මනසකින් යුතුව ආපසු ඒ ප්‍රශ්න වලට එන්න.
පීඩනයක් යටතේ සන්සුන්ව සිටීමට පුරුදු වීමෙන් ඔබට පැහැදිලිව සිතීමට සහ වඩා හොඳ තීරණ ගැනීමට අවස්ථාව සලසයි. මෙය අවසානයේදී ඔබේ පිළිතුරුවල ඉහළ නිරවද්‍යතාවයක් ඇති කිරීමට ද හේතුවක් වෙයි.